Унда ҳисобот даврига якун ясалди ва кейинги вазифалар ҳамда мамлакатимизда лизинг бозорини ривожлантиришнинг устувор йўналишлари белгиланди.
2023 йилнинг 1-ярим йиллиги якунлари бўйича республика лизинг хизматлари бозорида 39 та лизинг берувчи лизинг фаолияти билан фаол шуғулланган бўлиб, уларнинг 11 таси банклар ҳисобланади. Ҳисобот даврида лизинг амалиётларининг умумий портфели 6 трлн. 61 млрд. сўмни ташкил қилди. Шунингдек, ҳисобот даврида лизинг берувчилар томонидан 4204 та янги лизинг битими тузилди, уларнинг ҳажми 1 трлн. 814 млрд сўмни ташкил қилди, бу ўтган йилнинг шу даври билан солиштирганда 86,9% га кўп.
Ярим йиллик якуни бўйича лизингга бериладиган объектлар орасида қишлоқ хўжалик техникаси етакчилик қилмоқда, унинг умумий лизинг битимлари тузилмасидаги улуши 36,0% ни ташкил қилди. Иккинчи ўринда технологик ускуналар келмоқда, уларнинг улуши 26,5% ни, автотранспорт улуши эса 26,0% ни ташкил қилди. Лизингга кўчмас мулкни тақдим этиш билан боғлиқ битимлар ҳажми 5,9% ни ташкил қилди. Ўз навбатида, лизингга қурилиш техникаси ва ускуналарини тақдим этиш кўрсаткичлари пасайиб, 5,6% ни ташкил қилди.
Кўриб чиқилаётган даврда лизингберувчилари орасида «Uzbek Leasing International A.O.» АЖ (326,1 млрд. сўм), «Mikro Leasing» МЧЖ ХК (280,1 млрд. сўм), «O’zagrolizing» АЖ (242,5 млрд. сўм), «Trast Leasing» МЧЖ (205,7 млрд. сўм) ва «Fincom Leasing Group» (166,0 млрд. сўм) бозорнинг йирик иштирокчиларига айланди.
2023 йилнинг 1-ярим йиллиги давомида амалга оширилган янги лизинг битимларида ҳудудлар орасида Тошкент шаҳри энг катта улушга эга бўлиб — 27,1%, иккинчи ва учинчи ўринларни эса Тошкент вилояти ва Андижон вилояти мос равишда 18,3% ва 8,0% билан эгаллаб олди.
Ўз тақдимотида Уюшма раиси Мустафаев З.Б. лизинг соҳасининг қуйидаги муаммоларини қайд этиб ўтди: мижозлар ўртасида лизинг тўловларини тўламасликнинг кўпайиши, ресурсларнинг етишмаслиги ва уларнинг нархининг ошиши, мамлакатда хамёнбоп автомобиллар тақчиллиги, шунингдек лизинг бозорида тижорат банкларининг улуши камайиб бораётгани.
Тақдимот якунида лизингни ривожлантиришнинг истиқболли йўналишлари, лизинг компаниялари қайси жиҳатларга эътибор қаратишлари кераклиги ҳақида сўз юритилди.
Таклиф этилган маърузачилар орасида «Sumitomo Corporation» (Япония), «Islamic Business and Finance», «Assoodiq Consult», «Fitch Ratings», «Ahbor Reyting», «Prokar Ekspert Audit», «Elektron Baholash» и «Respublika Mulk Markazi» каби компаниялар бор эди.
Тақдимотларнинг тўлиқ варианти ушбу ҳавола бўйича: https://drive.google.com/drive/folders/1RoPDBvUYnVqm9yTu3EVaQ7G_e07EKkho?usp=sharing
