Аввал хабар берганимиздек, «Islamic Business and Finance» МЧЖ ҳамда Ўзбекистон Лизинг Ассоциацияси билан хамкорликда 2022 йил 20 ноябрь куни Жидда шаҳрида (Саудия Арабистони) «Замонавий ислом банк-молия тизимида қўлланиладиган асосий молиявий маҳсулот ва хизматлар» мавзусида семинар-тренингга старт берилди. Семинар-тренингда Ўзбекистоннинг етакчи тижорат банклари, лизинг ва суғурта ташкилотлари вакиллари иштирок этишмоқда.
Ўқув-семинарда ислом банклари, лизинг ва суғурта (такафул) компаниялари фаолиятининг хусусиятлари кўриб чиқилади, ислом молияси – Мурабаҳа, Ислом лизинги – Ижара ва суғурта – Такафулнинг амалий жиҳатлари ўрганилади, шунингдек, Ўзбекистонда ушбу воситаларини ривожлантиришга қаратилган тавсиялар баён этилади.
Тренинг бир неча кун давомида соҳанинг тажрибали мутахассислари томонидан олиб борилади.
