ОТБ кичик бизнесни молиялаштириш учун 100 млн доллар кредит ажратди Қарзларни Davr Bank, Hamkorbank ва «Ипак йўли» банклари ҳамда Uzbek Leasing International АЖ лизинг компанияси қабул қилиб олади. «Кичик бизнеснинг Ўзбекистон ЯММдаги улуши 50 фоиз, аҳоли бандлигининг эса 80 фоизи тўғри келади. Бироқ молиявий манбалардан фойдаланиш, айниқса қишлоқ жойларда, хизматлар ва бир қатор бошқа мажбуриятлар етишмовчилигидан қийинлашмоқда», — дея қайд этди ОТБ Марказий ва Ғарбий Осиё департаментининг молия сектори бўйича мутахассиси Алия Мухамедярова. Унинг сўзларига кўра, ажратилган қарз тўртта молия институтига, жумладан, пойтахт ташқарисидаги ҳамда аёл-тадбиркорларга тегишли кичик бизнес субъектларига капитал айланмаси ва асосий воситалари учун сармоя жалб этиш, янги иш ўринларининг яратилиши ва иқтисодиётнинг ўсишига ёрдам беради. Тақдим этилаётган қарз кичик бизнес ва тадбиркорлик субъектларининг кредит ва лизингга ўсиб бораётган талабини қондиришга кўмак кўрсатади. Қарз воситалари кичик бизнесга молиялаштиришнинг бозор ставкалари асосида тақдим этилади. Лойиҳанинг гендер ва географик қамровини кенгайтириш мақсадида энг камида 20 фоиз субкредитлар бошқаруви аёллар қўлида бўлган кичик бизнес субъектларига, энг камида 60 фоизи эса пойтахтдан ташқари ҳудудларга тақсимланиши белгиланган. Субкредитларнинг энг кўп қиймати 300 минг долларни ташкил этади. Лойиҳани амалга ошириш муддати беш йилни ўз ичига олиб, 2021 йилнинг декабрида якунига етиши кўзда тутилмоқда. ← Орқага
ОТБ кичик бизнесни молиялаштириш учун 100 млн доллар кредит ажратди Қарзларни Davr Bank, Hamkorbank