Семинар-тренингда жиноий фаолият ҳамда терроризмни молиялаштиришдан олинган даромадларни қонунийлаштиришга қарши харакатлар ўрганилди.
2012 йилнинг 26 — 28 сентябр кунлари Ўзбекистон Лизинг берувчилар ассоциацияси икки дастур: «Лизинг хизматларини кўрсатувчи ташкилотлардаги жиноий фаолият ҳамда терроризмни молиялаштиришдан олинган даромадларни қонунийлаштиришга қарши харакатлар» ва «Лизинг компанияларининг молиявий бошқарув методологияси ҳамда унинг IT –тизимидаги акси» иборат бўлган семинар–тренингни ўтказди.
Тадбирда Ўзбекистон Республикаси Молия вазирлиги, Ўзбекистон Республикаси Адлия вазирлиги, Ўзбекистон Республикаси Бош прокуратураси ҳузуридаги солиқ, валютага оид жиноятларга ва жиноий фаолиятдан олинган даромадларни легаллаштиришга қарши курашиш департаменти, Ўзбекистон Республикаси Марказий банки, Ўзбекистон Республикаси Давлат солиқ қўмитасининг малакали мутахассислари, шунингдек Халқаро лизинг академиясининг Академиги, Иқтисодиёт фанлари номзоди, доцент Киркоров Н.И. иштирок этди.
Семинар–тренингда лизинг компанияларида жиноий фаолият ҳамда терроризмни молиялаштиришдан олинган даромадларни қонунийлаштиришга қарши харакатлар бўйича ички назоратни амалга ошириш учун маъсул бўлган ходимлар, шунингдек лизинг компаниялари раҳбарлари, уларнинг ўринбосарлари, молия директорлари ва IT-мутахассислари иштирок этдилар.
