2015 йилнинг 27-30 май кунларида Ўзбекистон Республикаси Ташқи иқтисодий алоқа, инвестиция ва савдо Вазирлиги, Қишлоқ ва сув хўжалиги Вазирлиги, Савдо-саноат палатаси ва Фермерлар кенгаши, Тошкент ш.даги «ITE Uzbekistan» кўргазма компанияси томонидан ташкил этилган «Uzbekistan Agrominitech Expo 2015» ва«Uzbekistan Agrotechmash Expo 2015» Халқаро кўргазмалари бўлиб ўтди.
«Uzbekistan Agrominitech Expo-2015» савдо-кўргазмасида жаҳоннинг Хитой, Жанубий Корея, Франция, Италия, Германия, Бельгия, Австрия, Болгария, Беларус, Нидерландия, Эрон, Россия, Туркия каби 24та мамлакатдан 195тадан кўп компаниялар иштирок этдилар. Кўргазмада қатор йўналишлар бўйича хилма-хил маҳсулотлар ва хизматлар, қишлоқ хўжалик маҳсулотларини қайта ишлаш учун ихчам линиялар, маҳсулотларни ўраш учун мини-технологиялар, чорвачилик, паррандачилик, асаларичилик ва боғдорчилик асбоб-ускуналари, ем маҳсулотларини тайёрлаш, боғдорчилик ва узумчилик, иссиқхона хўжаликларини ташкил этиш учун мини-техника ва асбоб-ускуналар, ўсимликларни ҳимоя қилиш учун кимёвий воситалар тақдим этилди.
«Uzbekistan Agrotechmash Expo-2015» халқаро кўргазмасида 10та мамлакатнинг вакиллари бўлмиш 20тадан ортиқ етакчи жаҳон қишлоқ хўжалик техникаси ва ускуналарининг ишлаб чиқарувчилари ҳамда маҳаллий корхоналардан – «Тошкент трактор заводи» АЖ, «Агрегат заводи» АЖ, «Чирчиққишлоқмаш» АЖ ва бошқалар қатнашди. Кўргазмада «Doosan», «Daichi», «Deadong» (Жанубий Корея), «Case», «New Holland» (АҚШ), «CLAAS», «Lemken», «MAN» (Германия) каби ва жаҳон бўйича номини чиқарган бошқа таниқли брендларнинг 70 бирлик техникаси намойиш этилди.
Кўргазмада маҳаллий фермер ва тадбиркорларимиз фаол иштирок этдилар. Ҳавола қилинган маҳсулотларнинг ўта кенг кўлами маҳаллий фермер хўжаликлари ва ишлаб чиқариш корхоналари энг янги қишлоқ хўжалик техникаси ва технологиялари билан жиҳозланишига замин яратади, изчил кечаётган иштирокчи мамлакатлар доирасининг кенгайиши эса узоқмуддатли халқаро ҳамкорлик ривожланишига хизмат қилади.
Шуни таъкидлаш лозим-ки, анъанавий тусга кирган «Uzbekistan Agrominitech Expo» ва «Uzbekistan Agrotechmash Expo» савдо-кўргазмалари ишлаб чиқариш ва қайта ишлаш саноати янада ривожланишига, экспорт ҳажмлари кенгайишига ёрдам беради. Мазкур кўргазмалар, улар ўтказила бошлаган вақтдан то бугунга қадар, агросаноат мажмуаси ва қишлоқ хўжалик саноати соҳасидаги энг охирги ютуқларни муҳокама қилиш майдонига, алоқалар ўрнатиш ва касбкорлик тажрибасини алмашиш жойига айланган.
Тўрт кунлик иш давомида “Uzbek Leasing International A.O.” ҚК АЖ томонидан кўргазма қатнашчиларига ва унга ташриф буюрган шахсларга компания томонидан лизинг хизматларини кўрсатиш шартлари юзасидан ахборот-маслаҳат хизматлари кўрсатилди.
 |
 |
