Ушбу билан Ўзбекистон Лизинг берувчилар уюшмаси Прагадаги Марказий Богемия Университети базасида Чехия-Ўзбекистон Дўстлик Жамияти билан ҳамкорликда ишлаб чиқилган “Тадқиқотчилик ва Профессионал Алмашув” лойиҳаси ҳақида маълум қилади. 2017 йил 17-27 апрель кунлари (10 кун давомида) мазкур лойиҳа доирасидаЧехия Республикасининг Прага шаҳрида “Лизинг молиявий кредитлаш воситаси ва иқтисодиётнинг ўсиш стимулятори сифатида” мавзусидаги навбатдаги семинар-тренинг ўтказилади.
 |
Семинар-тренинг компаниялар ва банкларнинг раҳбарларига, юқори ва ўрта бўғин менежерларига ҳамда иқтисодчилар, молия мутахассислари, юристлар ва банк филиалларининг ходимларига мўлжалланган.
Қуйидагилар ўқув курсининг асосий мақсадлари ҳисобланади:
- лизинг бизнеси бўйича мутахассисларнинг билим ва кўникмаларини ошириш, уларни халқаро амалиёт билан таништириш;
- лизинг компаниялари мутахассисларига, ўзларини билимли ва тажрибали мутахассис сифатида кўрсатган ҳолда, ўз малакаларини тасдиқлаш имконини тақдим этиш;
- лизинг бизнеси учун сертификат билан тасдиқланган билимларга эга кўп сонли мутахассисларни тайёрлаш.
Шунингдек семинар қатнашчилари Чехиянинг етакчи лизинг компанияларида бўлиш ва уларнинг фаолияти билан танишиш имконига эга бўлади.
 |
Ушбу тадбирда қатнашишдан манфаатдор бўлсангиз, Сиздан 10.03.2017 й. гачаdilshod@uzbek-leasing.com, dmukhrimov@mail.ruэлектрон почтасига ёки(+998 71)140-37-74 факс рақамига тасдиқнома юборишингизни сўраймиз.
